Aqmola oblysynda áıel túrmedegi kúıeýimen kezdesý úshin jalǵan PTR anyqtama usynǵan
KÓKShETAÝ. QazAqparat - Aqmola oblysynyń túrmesinde jazasyn ótep jatqan er adamǵa kezdesýge elordalyq áıeli keldi. Qujatyn usyný kezinde áıeldiń PTR testi jalǵan bolyp shyqty, dep habarlaıdy QazAqparat tilshisi oblystyq Qylmystyq atqarý júıesi departamentiniń baspasóz qyzmetine silteme jasap.
Vedomstvonyń málimetinshe, áıel usynǵan PTR test anyqtamasyna mekeme qyzmetkerleri kúmán keltirgen.
«35 jastaǵy astanalyq áıel analız tapsyrý jáne daıyn anyqtamany alý kúnine nazar aýdarmaǵan. Osyǵan baılanysty kezdesýge tyıym salynyp, PTR test anyqtamasyn bergen zerthanaǵa qujatty rastaý týraly suraý jiberildi. Kóp uzamaı kezdesýge kelgen áıeldiń qyzmetke júgingen klıentter bazasynda tirkelmegeni anyqtaldy», - dedi vedomstvodan.
Qazirge kezde áıelge qatysty sotqa deıingi tergeý amaly júrgizilip jatyr.
