Aqmola oblysynda aıazda qalyp qoıǵan birqazan qutqaryldy
ASTANA. QazAqparat - Aqmola oblysynyń Ereımentaý aýdanynyń turǵyny jyly jaqqa ushyp kete almaǵan birqazandy qutqardy, dep habarlaıdy QazAqparat QR AShM Orman sharýashylyǵy jáne janýarlar álemi komıtetiniń baspasóz hatshysy Sáken Dildahmetke silteme jasaı otyryp.
«Maǵan Saıat esimdi jigit aǵasy ekeýi aýladan birqazan taýyp alǵandaryn jazdy. Olar meni izdep, Instagram jelisinen tapqan.
Ázirge qustyń jaǵdaıy belgisiz. Olar birqazandy qoraǵa qamapty. Qustyń aldyna jem men barlyq qajettini qoıǵan.
Erteń ınspektormen birge birqazandy alyp ketý úshin Ereımentaýǵa baramyz», - dep jazdy Sáken Dildahmet Feısbýktegi paraqshasynda.
Jeli paıdalanýshylardyń jazýyna qaraǵanda bul qus buıra birqazan bolýy múmkin degen. Buıra birqazan sırep ketkendikten Qyzyl kitapqa engizilgen.
Aıta keterligi, qazir Aqmola oblysynda qar tústi, túngi ýaqyttarda aıaz 20 gradýsqa deıin jetýde. Qatty sýyqta jyly jaqqa beıimdelgen qustar tiri qalýy ekitalaı.
Eske sala ketsek, keshe Soltústik Qazaqstan oblysynyń ınspektorlary 16 aqqýdy aıazdan qutqardy.
