Aqmola oblysynda aıaqtalmaǵan qurylys nysandary boıynsha bıýdjet qarajaty negizsiz tólengen

KÓKShETAÝ. QazAqparat – Aqmola oblysynyń Ereımentaý aýdanynda aıaqtalmaǵan qurylys nysandary boıynsha bıýdjet qarajaty negizsiz tólengeni anyqtaldy. Bul týraly aýdan prokýratýrasynyń memlekettik organdardyń bıýdjet qarajatyn jumsaý zańdylyǵyna júrgizgen monıtorıngisi barysynda anyqtaldy, dep habarlaıdy QazAqparat tilshisi.

Aqmola oblystyq prokýratýrasy baspasóz qyzmetiniń málimetinshe, Ereımentaý aýdany prokýratýrasy aıaqtalmaǵan qurylys nysandary boıynsha naqty oryndalmaǵan jumystar úshin bıýdjet qarajatyn tóleý arqyly kásipkerlerge zańsyz artyqshylyq kórsetý faktileri anyqtaldy.

«Atap aıtqanda, aýdan aýmaǵynda 45 jáne 60 páterli úıler men dene shynyqtyrý-saýyqtyrý kesheniniń qurylysy júzege asyrylýda, olar boıynsha Ereımentaý aýdanynyń qurylys bóliminiń basshysy 100 mıllıon teńge somasyna negizsiz tólem júrgizgen. «Qazaqstan Respýblıkasyndaǵy memlekettik qyzmet týraly» QR Zańyna sáıkes, memlekettik qyzmetshiler tarapynan mundaı áreketter memlekettik qyzmetke kir keltiretin tártiptik teris qylyqtar sanatyna jatady. Aýdan prokýratýrasynyń aktisi boıynsha bólim basshysy «qyzmetke tolyq sáıkes emestigi týraly eskertý» túrinde tártiptik jaýapqa tartyldy», - dedi vedomstvodan.

Osyǵan uqsas faktige Ereımentaý aýdany turǵyn úı-kommýnaldyq sharýashylyǵy, jolaýshylar kóligi, avtomobıl joldary jáne turǵyn úı ınspektsııasy bólimi basshysynyń mindetin atqarýshy tarapynan da jol berilgen.

«Bólim basshysynyń mindetin atqarýshy 3 mıllıon teńge bıýdjet qarajatyn negizsiz tólegeni úshin «qyzmetke tolyq sáıkes emestigi týraly eskertý» túrinde tártiptik jaýapqa tartyldy», - dep tolyqtyrdy vedomstvonyń baspasóz qyzmetinen.