Aqmola oblysynda avtokempıng alańdary salynady
ASTANA. QazAqparat - Aqmola oblysy tıisti ınfraqurylymy bar avtokepmıngter alańdaryn salýdy josparlamaq, dep habarlady óńir ákiminiń keńesshisi Marat Iǵalı.
«Aqmola oblysyndaǵy týrızm ınfraqurylymdaryn damytý máselesin talqyladyq. Atap aıtqanda, avtokempıngterge arnalǵan alańdar (barlyq ınfraqurylymdarymen) bólýdi josparladyq»,- dep jazdy M. Iǵalı Facebooktegi óziniń paraqshasynda.
Sondaı-aq ol jeksenbide óńir basshysynyń qatysýymen Aqmola oblysyndaǵy týrızmdi damytýdyń jol kartasyna baılanysty usynystar da talqylanǵanyn habarlady.
«Brainstorming - týrızm problemalaryn jedel sheshýge múmkindik týǵyzady. Talqylaýǵa qatysqandar osyǵan baılanysty birneshe nusqalardy usyndy», -deıdi ákimniń keńesshisi.
M. Iǵalı aımaq turyńdary men týrısterdi jol kartasyn jasaqtaýǵa atsalysýǵa shaqyrdy.
«Dostar, ózderińizge kezdesip otyrǵan kókeıkesti máselelerdi jáne Aqmola oblysynda týrızmdi damytý baǵytyndaǵy usynystaryńyzdy joldańyzdar»,- dep jazdy ol.
