Aqmola oblysynda avtobýs júrgizýshisi mas kúıinde jolaýshylar tasymaldaǵan
KÓKShETAÝ. QazAqparat- Aqmola oblysynda mas kúıinde rýlge otyrǵan jolaýshylar avtobýsynyń júrgizýshisi ustaldy, dep habarlaıdy QazAqparat tilshisi ІІD baspasóz qyzmetine silteme jasap.
Baspasóz qyzmetiniń deregi boıynsha júrgizýshi Atbasar aýdany aýmaǵynda «Avtobýs» jedel aldyn alý sharasy barysynda ustalǵan.
«Maýsymnyń 19-y kúni jol-patrýldik polıtsııa batalonynyń qyzmetkerleri «Ekaterınbýrg-Almaty» kúre jolynyń 1037 shaqyrymynda «PAZ - 32054» avtobýsyn toqtatty.
Qujattaryn tekserý kezinde júrgizýshiniń aýzynan alkogoldiń ısi burqyrap turdy. Keıin medıtsınalyq saraptama qorytyndysy boıynsha dərigerler júrgizýshiniń jeńil dərejede mas ekenin anyqtady. Avtobýs Atbasar aýdanyndaǵy Bastaý aýylynan Atbasar qalasyna baǵyt alǵan», - dep túsindirdi baspasóz qyzmetindegiler.
Qazirgi kezde júrgizýshiniń ústinen QR ƏQbK 608 babynyń, 1 bólimi boıynsha ákimshilik hattama toltyryldy. Atalǵan sanktsııa boıynsha júrgizýshi 3 jylǵa kólik júrgizý quqyǵynan aırylýy múmkin. Jedel aldyn alý sharasynyń alǵashqy kúni oblys boıynsha barlyǵy 66 ret jol júrý erejesi buzylǵan.
