Aqmola oblysynda avtobýs júrgizýshileri úsh kún ishinde 406 ret ereje buzǵan
KÓKShETAÝ. QazAqparat - Aqmola oblysynda «Avtobýs» jedel aldyn alý sharasy kezinde avtobýs júrgizýshileri 406 ret jol júrý erejesin buzǵany anyqtaldy, dep habarlaıdy «QazAqparat» HAA tilshisi ІІD baspasóz qyzmetine silteme jasap.
Polıtseılerdiń málimeti boıynsha, ústimizdegi jyldyń 26-28 qańtary aralyǵynda júrgizilgen jedel aldyn alý sharasyna oblystaǵy 1 184 tártip saqshysy, 21 memlekettik organdardyń qyzmetkerleri men qoǵamdyq birlestikterdiń ókilderi tartylǵan.
«Atalǵan sharanyń qorytyndysy boıynsha avtobýs júrgizýshileri tarapynan 406 ret jol júrý erejesi buzylǵany anyqtaldy. Onyń ishinde 104 júrgizýshige rólde kele jatyp uıaly telefonymen sóıleskeni úshin, 88-ne burylý erejesin buzǵany úshin aıyppul salyndy. Oǵan qosa, mindetti tehnıkalyq baıqaýdan ótpegen 12 júrgizýshi, saqtandyrý polısi joq 32 júrgizýshi, kóligin zańsyz jabdyqtaǵan 5 jáne eńbek rejımin buzǵan 9 júrgizýshi aıyppul tóleıtin boldy», deıdi polıtseıler.
