Aqmola oblysynda aýyzsý máselesi qalaı sheshilýde - mınıstrdiń jaýaby

KÓKShETAÝ. QazAqparat – Aqmola oblysynda Kókshetaý, Şýche qalalarynyń, Kókshetaý aýmaǵyndaǵy ilespe eldi mekenderiniń turǵyndaryn qajetti mólsherde jáne kepildi sapada aýyz sýmen qamtamasyz etý kózdelgen. Bul týraly QR Ekologııa jáne tabıǵı resýrstar mınıstri Zýlfııa Súleımenova Aqmola oblysynyń jurtshylyǵy jáne úkimettik emes uıymdarymen kezdesýinde málim etti, dep habarlaıdy QazAqparat tilshisi.

«Sý sharýashylyǵy salasynda halyqqa aýyz sýdy úzdiksiz berý maqsatynda Ekologııa jáne tabıǵı resýrstar mınıstrligi tarapynan «Kókshetaý toptyq sý qubyryn qaıta jańartý, qurylystyń úshinshi kezegi. Tórtinshi kóterý sorǵy stantsııasynan jetinshi kóterý sorǵy stantsııasyna deıingi ýchaske (birinshi kezeń)» jobasy iske asyrylýda. Bul nysandy salýdyń maqsaty Kókshetaý, Şýche qalalarynyń, Kókshetaý aýmaǵyndaǵy ilespe eldi mekenderiniń turǵyndaryn qajetti mólsherde jáne kepildi sapada aýyz sýmen qamtamasyz etý bolyp tabylady», - dedi jýrnalıstermen ótken brıfıngte Zýlfııa Súleımenova.

QR Ekologııa jáne tabıǵı resýrstar mınıstri atap ótkendeı, 3-kezekte IV kótergish sorǵy stantsııasynan VII kótergish sorǵy stantsııasyna deıin sý qubyrynyń birinshi jelisin salý kózdelgen.

«Jobany osy jyly aıaqtaý josparlanǵan. Bul jobany iske asyrý 2 AEM-ni (SNP) qamtamasyz etýge jáne 7 AEM-niń (SNP) 179,6 myń halqyn sapaly aýyz sýmen jaqsartýǵa múmkindik beredi», - dep tolyqtyrdy mınıstr.