Aqmola oblysynda aýylǵa kıik kirip ketti
KÓKShETAÝ. QazAqparat - Aqmola oblysynyń Qorǵaljyn aýylyna kıik kirip ketti. Bul týraly áleýmettik jelide beınejazba tarady, dep habarlaıdy QazAqparat tilshisi.
Beınejazbadaǵy kýágerlerdiń aıtýynsha, oqıǵa jaqynda Qorǵaljyn aýylynda bolǵan. Jazbadan kıik tekesiniń aýyl kóshesinde júrgenin kórýge bolady.
Ol tipti, adamdar men kólikten de qoryqpaıdy. Turǵyndar aýyl ishinde «kútpegen qonaqty» vıdeoǵa túsirip, taratyp jatyr.
Aýyl turǵyndary bul jalǵyz kıik emes, birnesheýi keldi dep otyr.
Turǵyndardyń aıtýynsha, en dalada adamnyń kózine túse bermeıtin kıikter boranda qalyń qarda júre almaı, ashyqqannan aýylǵa kelgen.
Sol sebepti turǵyndar jabaıy ańdarǵa jemshóp berýde.
Eske sala keteıik, Aqmola oblysynda kıikterdiń qyrylýy qaýpi tóngen bolatyn.
Aqmola oblys boıynsha orman sharýashylyǵy jáne janýarlar álemi aýmaqtyq ınspektsııasynyń málimetinshe, 2020 jyldyń jeltoqsan aıynda Qorǵaljyn memlekettik tabıǵı qoryǵynda 25 myń kıik sanaldy.
Qys aılarynda aýa raıynyń kúrt buzylýy óńirde qystap qalǵan kıikterge qaýip tóndirgen bolatyn.
