Aqmola oblysynda aýyl sharýashylyǵy ónimderiniń eksporttyq áleýeti artyp keledi
Aqmola oblystyq aýyl sharýashylyǵy jáne jer qatynastary basqarmasy basshysynyń orynbasary Qasym Itqusovtyń málimetinshe, oblys - elimizdegi eń astyqty aımaqtardyń biri sanalady.
Oblys dıqandary jyl saıyn 5 mln gektardan astam jerge dándi jáne burshaq daqyldaryn seýip, elimizdi azyq-túlikpen qamtamasyz etýge súbeli úlesin qosyp keledi.
«Ótken jyly aqmolalyq dıqandar rekordty kórsetkishke qol jetkizip, 5,3 mln tonna astyq jınady. Gektar túsimi 11,6 tsentnerden aınaldy. 2022 jyldyń qorytyndysy boıynsha óndirilgen jalpy aýyl sharýashylyǵy ónimderiniń kólemi 1 trln teńgeden astam boldy. Bul - elimizdegi eń joǵary kórsetkishterdiń biri», - dedi basqarma basshysy.
Basqarma basshysynyń orynbasary atap ótkendeı, óńirde 2022 jyly aýyl sharýashylyǵy ónimderin eksportqa shyǵarý kólemi de artyp, ol aldyńǵy jylmen salystyrǵanda 113,8% quraǵan.
Osylaısha byltyrǵy jyldyń qorytyndysy boıynsha oblys sharýashylyqtary men kásiporyndary 432,2 mlrd teńgeniń ónimin eksporttady.
«Atap óterlik jaı, eksportqa tek shıkizat qana shyǵarylmaı, óńdelgen aýyl sharýashylyǵy ónimderi kóptep shyǵaryla bastady. Ótken jyly eksportqa shyǵarylǵan búkil aýyl sharýashylyǵy ónimderiniń 12,8 paıyzy óńdelgen aýyl sharýashylyǵy taýarlary boldy. 2022 jyly oblys sharýashylyqtary 2,2 mln tonna astyqty eksportqa shyǵardy. Alys-jaqyn shetelderge shyǵarylǵan astyq kólemi 11 myń tonnaǵa, un kólemi 103,4 myń tonnaǵa artty», - dep tolyqtyrdy Qasym Itqusov.
Sonymen birge, Aqmola oblysynyń birqatar aýdandary elordada azyq-túlik beldeýin qurý baǵdarlamasyna qatysyp jatyr.
2022 jyly azyq-túlik beldeýin qurý baǵdarlamasyna qatysty 17,5 mlrd teńgeniń 32 ınvestıtsııalyq jobasy júzege asqan.
«Ótken jyly 104 mal fermasyn qurý josparlanǵan edi, is júzinde 111 mal fermasy quryldy. Osy maqsat úshin 4,5 myń bas iri qara satyp alyndy. Sondaı-aq, 2,4 myń basqa arnalǵan 11 sút óndirý fermasyn qurý josparlansa, is júzinde 11 ferma qurylyp, josparlanǵan meje oryndaldy. Sońǵy jyldarda aýyl sharýashylyǵy ónimderin óńdeýge jete kóńil bólinip, bul baǵytta aıtarlyqtaı jumystar atqarylýda. Óńdeýshi salany damytý úshin oblysymyzda qajetti jaǵdaılardyń bári bar. Eń aldymen, shıkizat jetkilikti jáne óńdeýshi kásiporyndar qurýǵa qajetti qarjy da bar», - dep túıindedi basqarma basshysy.
Aıta ketsek, budan buryn Aqmola oblysynda bıyl 5,2 mıllıon gektarǵa dán sebiletinin jazǵan edik.