Aqmola oblysynda aýyl mektebin jóndeýge 216 mıllıon teńge jumsaldy

KÓKShETAÝ. QazAqparat - Esil aýdanyndaǵy Kýrsk orta mektebine 216 mıllıon teńge qarjyǵa kúrdeli jóndeý jumysy júrgizildi, dep habarlaıdy QazAqparat tilshisi oblystyq ishki saıasat basqarmasyna silteme jasap.

Aýdan ákimdiginiń málimetinshe, kúrdeli jóndeý jumystaryn merdiger «SCS Injınırıng» JShS qolǵa alyp, merziminde aıaqtady.

Bıyl mektep 47-shi ret oqýshylaryn qarsy alyp otyr. Birinshi synypqa 7 bala qabyldandy.

Jalpy, aýdan boıynsha bıyl 329 bala mektep tabaldyryǵyn atady.

Dırektordyń mindetin atqarýshy Svetlana Gýzenko ata-analardy, oqýshylardy jáne pedagogıkalyq ujymdy kópten kútken qýanyshymen quttyqtady.

«Jańa oqý jyly bárimiz úshin mańyzdy oqıǵadan, mektebimizdi kúrdeli jóndeýden bastaldy. Oqýshylar men muǵalimderge jańa oqý jyly barlyǵyna jemisti jáne bilim men jetistikterge baı bolsyn dep tileımin. Bárimiz qatty ýaıymdadyq, biraq bilim kúnine úlgerdik. Muǵalimder de, ata-analar da dán rıza», – dedi Svetlana ıÝrevna.

Aıta ketsek, oqý jyly qatań sanıtarlyq-epıdemıologııalyq talaptarǵa sáıkes ótýde. Barlyq mektepter balalar arasynda vırýstyń taralýyn boldyrmaý úshin qaýipsizdik sharalaryn ustanady.

Esil aýdanynyń bilim bóliminiń málimetinshe, muǵalimderdiń 86 paıyzdan astamy koronavırýsqa qarsy vaktsına alǵan.