Aqmola oblysynda «Aýyl-el besigi» aıasynda jańa jobalar júzege asyrylmaq

KÓKShETAÝ. QazAqparat - Aqmola oblysynda birqatar memlekettik baǵdarlamalar júzege asyrylýda. Osy rette, «Aýyl - el besigi» baǵdarlamasy halyqtyń, ásirese aýyl turǵyndarynyń ómir súrý sapasyn naqty arttyratyn baǵdarlamalardyń biri bolyp otyr, dep habarlaıdy QazAqparat tilshisi oblystyq ishki saıasat basqarmasyna silteme jasap.

Bıyl «Aýyl - el besigi» quramyna engen birqatar jobalar belsendi iske asyryla bastady. Onyń ishinde Tselınograd aýdanynda dene shynyqtyrý-saýyqtyrý kesheniniń qurylysy, Atbasar aýdanynda jastardyń bos ýaqytyn ótkizý ortalyǵynyń qurylysy, Sandyqtaý aýdanyndaǵy stadıondy qaıta jańartý, Qorǵaljyn, Egindikól jáne Jaqsy aýdandaryndaǵy kentishilik joldardy ortasha jóndeý jumystary bar.

Aǵymdaǵy jyly 14 joba iske qosylady, onyń ishinde 3 aıǵa josparlanǵan orta mektepti jóndeý jáne mádenıet úıin kúrdeli jóndeý jumystary bar.

«Mádenı oshaqta tolyq kúrdeli jóndeý jumystary júrgiziledi. ıAǵnı, abattandyrýdan bastap nysannyń ishi men syrty tolyǵymen jańartylady», - dedi Mádenıet úıi dırektorynyń mindetin atqarýshy Jamal Aqjanbaeva.

Endi Jaqsy aýdany turǵyndarynyń 95 paıyzy aýyzsýǵa qol jetkize alady.

Aıta keteıik, 2020 jyly óńirde «Jumyspen qamtýdyń jol kartasy» jáne «Aýyl - el besigi» baǵdarlamalary boıynsha 400-den astam joba júzege asyryldy. Ondaǵan basqa jobalar arqyly eldi mekenderdiń turǵyndary úshin jaıly ómir súrý jáne ómir súrý sapasyn jaqsartý úshin jaǵdaı jasaldy.