Aqmola oblysynda aýǵan soǵysynyń qurbandary eske alyndy

KÓKShETAÝ. QazAqparat –Sovet úkimeti áskeriniń Aýǵan jerinen shyǵarylǵanyna 31 jyl tolýyna baılanysty ınternatsıonalıst-jaýyngerler saıabaǵyndaǵy eskertkishke gúl shoqtaryn qoıý sharasy ótti, dep habarlaıdy QazAqparat tilshisi.

Kókshetaýda uıymdastyrylǵan taǵylymdy sharaǵa oblys ákiminiń orynbasary Aına Mysyrálimova, ooblystyq polıtsııa departamenti bastyǵynyń orynbasary Baqytjan Eralın, oblystyq qorǵanys isteri departamentiniń bastyǵy, podpolkovnık Rýslan Qasymov, «Aýǵan soǵysynyń ardagerleri men múgedekteri odaǵy» qoǵamdyq birlestiginiń tóraǵasy Dýanbaı Ybyraı, Aýǵan soǵysyna qatysýshylar jáne áskerı-patrıottyq klýb pen jastar birlestiginiń ókilderi ınternatsıonalıst-jaýyngerler qatysty.

Sharada Aýǵan soǵysynyń bir top ardageri oblys ákimi orynbasarynyń Alǵys hatymen marapattaldy.

«Osydan 31 jyl buryn 15 aqpan kúni Sovet odaǵy áskerleriniń sońǵy shebi Aýǵan jerinen shyǵaryldy. Otan úshin ot keshken ardagerlerimizdiń erligi esh umytylmaıdy», - dedi Aına Mysyrálimova.

Aqmola oblystyq qorǵanys isteri departamentiniń bastyǵy Rýslan Qasymovtyń aıtýynsha, Aqmola óńirinen aýǵan jerine 1113 aqmolalyq attanyp, onyń 60-qa jýyǵy úıine oralǵan joq.

«On jylǵa sozylǵan soǵys talaı otbasynyń shańyraǵyn shaıqaltyp, júrekke jazylmas jara saldy. Bul qaıǵyly, umytylmas oqıǵa qazaq halqynyń esinde máńgi qalary anyq», - Dýanbaı Ybyraı.