Aqmola oblysynda aýa raıynyń qolaısyzdyǵyna baılanysty birqatar baǵyttaǵy joldar jabyldy
KÓKShETAÝ. QazAqparat - Aqmola oblysynda aýa raıynyń qolaısyzdyǵyna baılanysty birqatar baǵyttaǵy joldarda júk jáne qoǵamdyq kólikterdiń qozǵalysyna ýaqytsha shekteý qoıyldy.
Bul týraly «Qazavtojol» RMK-nyń baspasóz qyzmetinen habarlady.
«Búgin aýa raıynyń kúrt jylynýy (jańbyr men kóktaıǵaq) saldarynan kúndizgi ýaqyt 15:45 mınýt shamasynda «Astana-Petropavl» tas jolynyń 231-293, 304-341 shaqyrymda, «Kókshetaý-Rýzaevka» tas jolynyń 0-61shaqyrymda, «Kókshetaý-Omby» tas jolynyń 2-50 shaqyrymynda, «Kókshetaý-Atbasar» tas jolynyń 0-184 shaqyrymynda jáne Kókshetaý qalasy aýmaǵy men Şýche-Býrabaı kýrortty aımaǵyna qatynaıtyn joldardyń boıynda júk jáne qoǵamdyq kólikterdiń qozǵalysyna shekteý qoıyldy», - dep kórsetilgen habarlamada.
