Aqmola oblysynda ata-ájesine kelgen eki bala ajal qushty
ASTANA. QazAqparat - Zerendi aýdanynda jazǵy demalysta ata-ájesine kelgen eki bala órt saldarynan qaza tapty.
QR ІІM TJK resmı ókili Rýslan Imanqulovtyń aıtýynsha, 19 maýsymda saǵat 00:47-de Zerendi aýdany Vasılkovka aýylynda jeke úıde órt shyqqan.
Órt bir saǵattan keıin sóndirilgen. Ol 20 sharshy metrdi sharpyǵan. Órttiń ornynan 2007 jáne 2008 jylǵy eki balanyń denesi tabyldy.
Órtke elektr jabdyqty durys paıdalanbaý sebepshi boldy degen boljam jasaldy. Bir toq bergish jipke birneshe qurylǵy jalǵanǵan. Ol qysqa tuıyqtalýǵa ákelip soqqan. Uıqyda jatqan balalarǵa órt kezinde shyqqan ys tıgen.
Órt sóndirýge oblystyq TJD-nyń 10 mamany jáne 2 tehnıkasy, «Órt sóndirýshi» AQ-nyń 6 qyzmetkeri men 1 tehnıkasy jumyldyrylǵan.
