Aqmola oblysynda astyqtyń tórtten bir bóligi jınaldy
KÓKShETAÝ. QazAqparat - Aqmola oblysynda dán jáne dándi daqyldardyń tórtten bir bóligi jınaldy, dep habarlaıdy QazAqparat tilshisi óńirlik kommýnıkatsııalar qyzmetine silteme jasap.
Aqmola oblystyq Aýyl sharýashylyǵy basqarmasynyń məlimeti boıynsha, búgingi kúnge deıin 1 mıllıon 132,7 myń gektar jerdiń egini nemese barlyq egis alqabynyń 26, 2 paıyzy orylyp, 1 mıllıon 110 myń tonna astyq jınaldy. Dəndi daqyldardyń ər gektarynan oblys boıynsha ortasha ónim 9,6 tsentnerden aınalýda.
«Maıly daqyldar 11,1 myń gektar aýmaqta, kartop - 3,5 myń gektar jáne kókónis 1,3 myń gektar jerde jınaldy», - dep atap ótti vedomstvodan.
Mamandardyń sózinshe, qolda bar aýylsharýashylyq tehnıkalary men egistik alqaptarynyń aýmaǵyn esepke alyp jáne aýa raıynyń qolaıly sátterin utymdy paıdalaný arqyly táýligine 160 myń gektar alqapta egin jınaýǵa bolady.
«Jınalǵan astyq óńirdegi jalpy syıymdylyǵy 4,4 mıllıon tonnany quraıtyn 67 astyq qabyldaý kásiporyndaryna tasymaldanýda. Oǵan qosa, aýyl sharýashylyǵy qurylymdarynyń enshisindegi jalpy syıymdylyǵy 2 mıllıon tonna bolatyn astyq saqtaý oryndary bar», - dep tolyqtyrdy vedomstvodan.
