Aqmola oblysynda astyq saqtaıtyn keshen ashyldy
KÓKShETAÝ. QazAqparat - QR Táýelsizdigi merekesi qarsańynda Aqmola oblysynyń Astarhan aýdanynda astyq qabyldaý, saqtaý jáne jóneltý pýnkti ashyldy, dep habarlaıdy QazAqparat tilshisi.
Jaltyr aýylynda ashylǵan qazirgi zamanǵa saı jabdyqtalǵan nysanda 25 myń tonna astyq pen maıly daqyldardy qabyldap, saqtaýǵa bolady. Nysannyń qurylysyna 1 mıllıard teńgege jýyq qarjy jumsalǵan. Qurylys jumystaryn kókshetaýlyq merdiger «Etalon-Plıýs» JShS júzege asyrǵan.
Nysannyń ashylýy 18 adamdy turaqty jumyspen qamtamasyz etip otyr. «GROSS NAN»-nyń dırektory Maǵaýııa Qanapınniń aıtýynsha, keshende aýdan ortalyǵy men jaqyn mańdaǵy eldi mekenderdegi sharýshylyqtardan bıdaı men maıly daqyldar qabyldanatyn bolady. Qabyldanǵan astyqty keptirý, saqtaý jáne jóneltý sııaqty qyzmet túrleri kórsetiledi.
«Agrarly oblys úshin astyq saqtaý qabyldaý oryndarynyń ashylýy, aýyl sharýashylyǵy salasynyń damýyna septigin tıgizetin bolady», - dedi Maǵaýııa Qanapın.
