Aqmola oblysynda Astanadan basqarylatyn jyljymaly onlaın kólikti baqylaý beketi jumys isteıdi

Bul týraly óńirlik kommýnıkatsııalar qyzmetinde Aqmola oblystyq kólikti baqylaý ınspektsııasynyń basshysy Erbolat Erimbet málim etti, dep habarlaıdy QazAqparat tilshisi.

Inspektsııa basshysynyń aıtýynsha, «Gazel»  jáne « Hyundai»  kólikterine jabdyqtalǵan jyljymaly beket zamanaýı beınebaqylaý kameralarymen qamtamasyz etilgen. Kameralar kóliktiń syrtyn jáne ishin túsiredi. 380 gradýsqa burylatyn kamera Astanadaǵy operator arqyly basqarylatyn kórinedi.

 

«Bul sharalar júk tasymaldaýshylardyń, kólik quraldarynyń ıeleri men júrgizýshileri tarapynan zańdy saqtaýyna baǵyttalǵan.  Oǵan qosa, kez  kelgen ınternet qoldanýshy onlaın rejimde beketterdiń jumysyn baqylaı alady», dep atap ótti Erbolat Erimbet.

Sonymen qatar, arnaıy beınebaqylaý qondyrǵysy ınspektsııa jumysy kezinde keıbir aıǵaq- dálelder keltirýge kómektesedi. Oǵan qosa, bul jańalyqtyń sybaılas jemqorlyqpen kúresýge ári júk tasymaldaýshylardy, kólik quraldarynyń ıeleri men júrgizýshilerdi tártipke shaqyratyndyǵy sózsiz.

Inspektsııa basshysynyń aıtýynsha, jyl basynan beri 3500 astam avtokólik tekserilgen. 400 astam ákimshilik is qozǵalǵan. 32 kásiporyn tekserilip, 25 mıllıon teńgeden astam aıyppul salynǵan.