Aqmola oblysynda «Ashyq» jobasyna qatyspaıtyndarǵa shekteý engizildi

KÓKShETAÝ. QazAqparat – Aqmola oblysynyń bas sanıtarlyq dárigeri Aıngúl Mýsınanyń «Aqmola oblysynyń aýmaǵynda karantındik shekteý sharalaryn kúsheıtý týraly» jańa qaýlysy shyqty, dep habarlaıdy QazAqparat tilshisi.

Oǵan sáıkes, júıeli júrmeıtin qalalyq týrıstik tasymal qozǵalysyn toqtatady. Bul talaptyń «Ashyq» jobasyna qatysatyn Kókshetaý qalasyndaǵy sýbektilerge qatysy joq.

Sonymen birge, azyq-túlik sýpermarketteri men olardaǵy dárihanalardy, sondaı-aq ýaqytsha egý pýnkteri uıymdastyrylǵan obektilerdi (vaktsına alý úshin aldyn ala jazylý shartymen) qospaǵanda, senbi jáne jeksenbide aýdany 1000 sharshy metrden artyq saýda oıyn-saýyq ortalyqtarynyń, saýda úıleriniń, saýda ortalyqtarynyń, azyq-túlik emes dúkenderdiń (qoıma úı-jaılarynsyz jalpy aýdany eskeriledi) jumysy toqtatylady.

Budan bólek, balalar oıyn alańdary men attraktsıondardyń qyzmetine tyıym salynady.

Al, kelýshilerdiń sanyn 30 paıyzdan asyrmaı jáne bir kelýshige 4 sharshy metr áleýmettik qashyqtyqty saqtaǵan jaǵdaıda, saǵat 22:00-ge deıin jumys rejımimen saýda, oıyn-saýyq ortalyqtarynyń, saýda úıleri men saýda ortalyqtarynyń qyzmetine ruqsat beriledi.

Qaýly qol qoıylǵan kúninen – 23 sáýirden bastap kúshine enedi.