Aqmola oblysynda artıllerııalyq snarıad tabyldy

KÓKShETAÝ. QazAqparat – Aqmola oblysynyń Ereımentaý qalasynda qaraýsyz qalǵan polıgonnan artıllerııalyq snarıad tabyldy, polıtsııa tekseris júrgizip jatyr, dep habarlaıdy QazAqparat tilshisi Rolice.kz-ke silteme jasap.

Atalǵan erekshe zatty aýdan ortalyǵynyń turǵyndary Ereımentaý qalasynyń shetindegi qaraýsyz qalǵan qoqys polıgonynyń aýmaǵynda metall jınaý kezinde tapqan. Snarıadty kórgen aqmolalyqtar dereý quqyq qorǵaý organdaryna habarlasqan.

PD tehnıkteriniń bastapqy tekserý qorytyndysyna sáıkes, bul zat korrozııamen tolyq tot basqan 125 mm fýgasty snarıad ekeni anyqtaldy. Qaýipsizdikti qamtamasyz etý maqsatynda tabylǵan qarý sol jerde joıyldy ján onyń synyqtary saraptamaǵa joldandy.

Aıta ketsek, budan buryn Aqmola oblysynda izdeý jarııalanǵan polıtsııa qyzmetkeriniń denesi tabylǵanyn jazǵan edik.