Aqmola oblysynda Armenııadan ákelingen 350 kólik tirkeýden ótýi qajet
KÓKShETAÝ. QazAqparat – Aqmola oblysynda Armenııa Respýblıkasynan ákelingen 350-den astam avtokólik tirkeýden ótýdi qajet etedi, dep habarlaıdy QazAqparat tilshisi.
Oblystyq Polıtsııa departamentiniń málimetinshe, bıylǵy jyldyń 1 mamyrynan bastap, Qazaqstanda Armenııa elinen ákelingen avtokólikterdi tirkeý naýqany bastaldy. Aqmola oblysynda sońǵy táýliktiń ishinde 40 azamat ótinishpen júginse, onyń 11-i kólikterin tirkep, memlekettik nómir aldy.
«Aqmola oblysynda úsh kúnniń ishinde 19 kólik tirkeldi. Onyń úsheýi turǵylyqty jeri boıynsha Nur-Sultan qalasynyń mamandandyrylǵan Halyqqa qyzmet kórsetý ortalyǵynan memlekettik nómirin aldy», - deıdi vedomstvodan.
Atap ótilgendeı, mamandandyrylǵan HQO-larda týyndaǵan barlyq másele boıynsha ákimshilik polıtsııa qyzmetkerleri keńes berýde.
Jalpy, Aqmola oblysy aýmaǵynda Armenııadan jetkizilgen barlyǵy 504 avtokólik quraly bar bolsa, onyń 353-i (151-iniń rýli on jaqta ornalasqan) tirkeýden ótýi tıis.
