Aqmola oblysynda ardagerler uıymynyń 30 jyldyǵy atalyp ótti
KÓKShETAÝ. QazAqparat - Aqmola oblysynda ardagerler uıymynyń 30 jyldyǵy atalyp ótti. Aımaq basshysy Málik Myrzalınniń qatysýymen ótken saltanatty shara ortalyq alańdaǵy Abylaı han eskertkishine gúl shoqtaryn qoıýdan bastalyp, «Kókshetaý» mádenıet saraıynda uıymdastyrylǵan májiliske ulasty, dep habarlaıdy "QazAqparat" HAA tilshisi
Eske sala keteıik, 1987 jyldyń 21 naýryzynda soǵys jáne eńbek ardagerleri men zeınetkerlerdiń múddesin qorǵaý maqsatynda qurylǵan ardagerler uıymyna bıyl 30 jyl tolyp otyr. Burynǵy Kókshetaý oblystyq ardagerler keńesin alǵash bolyp Sotsıalıstik Eńbek Eri Nıkolaı Nıjnıkov basqarsa, Tselınograd oblysy ardagerlerine Muzafar Jumaǵojın jetekshilik etip, uıymdy quryp, negizin saldy. Odan keıingi jyldarda Ivan Shendrık, Maǵaýııa Ismaǵambetova jáne Chapaı Ábýtálipov sııaqty tanymal tulǵalar uıym tizginin qolǵa alyp, jemisti jumys atqardy. Eki mıllıonnan astam adamdy biriktiretin uıym búginderi tek ardagerlerdiń quqyqtaryn qorǵap qana qoımaı, jas urpaqqa otansúıgishtik tárbıe berý sııaqty mańyzdy mindetti de abyroımen atqaryp keledi.
Bul týraly məjiliste oblystyq ardagerler keńesiniń tóraǵasy Ǵosman Tóleǵul baıandap berdi.
Odan əri aımaq basshysy Málik Myrzalın ardagerlerge arnaǵan quttyqtaý sózinde Ekinshi dúnıejúzilik soǵys, odan keıingi qalpyna keltirý, tyń ıgerý sııaqty aýyr kezeńderdi bastan ótkergen ardagerlerimizdiń elimizdiń táýelsizdigin nyǵaıtyp, ekonomıkasyn damytýǵa da súbeli úlesterin qosqandyǵyn aıta kele, olardyń eńbekteri eshqashan umytylmaıtynyn atap ótti.
Shara barysynda bir top ardager mereıtoılyq medaldarmen jáne Alǵys hatpen marapattaldy. Marapattalǵandardyń arasynda Býrabaı aýdany Kenesary aýyldyq bastaýysh ardagerler uıymynyń tóraǵasy Tólegen Aldabergenov, oblystyq ardagerler keńesi tekserý komıssııasynyń jetekshisi Beksultan Baımutov, oblystyq ardagerler keńesiniń hatshysy Maıra Belan, Zerendi aýdany Shaǵalaly bastaýysh ardagerler uıymynyń tóraǵasy Qabyken Qońqaev sııaqty qoǵamdyq jumystarda belsendilik kórsetip júrgen ardagerler bar.
