Aqmola oblysynda ań aýlaý erejesin buzǵan 68 adam jaýapqa tartyldy
KÓKShETAÝ. QazAqparat - Aqmola oblysynda 68 ańshy ań aýlaý erejesin buzǵany úshin əkimshilik jaýapqa tartyldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń deregi boıynsha, óńirde qańtardyń 15-25 aralyǵynda «Saıǵaq» jedel aldyn alý sharasy ótti. Sharanyń maqsaty - zańsyz ańshylyq jəne tabıǵatty qorǵaý zańnamasynyń buzylýynyń jolyn kesý.
«Óńirde arnaıy qurylǵan jedel-izdestirý toby júrgizgen reıd kezinde tabıǵatty qorǵaý zańnamasynyń buzylýy jəne tabıǵatty zańsyz paıdalanýmen baılanysty birqatar áreketter anyqtaldy. Osyǵan baılanysty QR ƏQbK 382 babynyń 1 bóligi boıynsha 68 adamǵa qatysty ákimshilik hattama toltyryldy. Budan bólek, 9 adam balyq aýlaý erejesin buzǵany úshin jaýapqa tartyldy. Sondaı-aq, ańshylyq qarýdy birge alyp júrý jəne tasymaldaý erejesiniń buzylǵany da anyqtaldy. Ol adamdardyń barlyǵy zań aldynda jaýap beredi», - dep túsindirdi Aqmola oblysynyń PD baspasóz hatshysy Əsem Əbdrahmanova.
Jedel aldyn alý sharasy barysynda Aqkól jəne Sandyqtaý aýdandary aýmaǵyndaǵy ormandardy aǵash kesý sııaqty qylmystardyń da joly kesildi.
Osyǵan deıin Kókshetaý qalasynyń "Smart city" júıesine kóshetini týraly jazǵanbyz.
