Aqmola oblysynda altyn quımasyn óndiretin kásiporyn salynyp jatyr
KÓKShETAÝ. QazAqparat - Aqmola oblysynyń əkimi Məlik Myrzalın jumys saparymen Stepnogorsk qalasynda bolyp, birqatar áleýmettik-óndiristik nysandardyń jumysymen tanysty, dep habarlaıdy «QazAqparat» HAA tilshisi.
Sapar barysynda aımaq basshysy «Qazaqaltyn» aktsıonerlik qoǵamynyń Aqsý kenishindegi jańadan salynyp jatqan tehnogendi-mıneraldy jasandylardy óńdeý fabrıkasynyń qurylys nysanyndaǵy osy ýaqytqa deıingi atqarylǵan jumystarmen tanysty. Kásiporynnyń bas dırektory Evgenıı Balashovtyń aıtýynsha, salynyp jatqan kásiporyn ústimizdegi jyldyń qarasha aıynda iske qosý josparlanǵan.
«Jylyna 2,5 mıllıon tonna kennen 1 tonnaǵa deıin Dore quımasyn (splav) alý josparlanýda. Fabrıka paıdalanýǵa berilgende shamamen 190-ǵa jýyq adam jumyspen qamtylady. Qazirgi tańda onda 60 qurylysshy jumys istep jatyr. Jobaǵa quıylǵan ınvestıtsııanyń kólemi 10 mıllıard teńgeni quraıdy. Bas merdigeri - «AAEngineering Grup». Qajetti qural-jabdyqtar jarym-jartylaı satyp alynyp, ornatylǵan. Áli de bir talaı qural-jabdyqtar alý qajet», - dedi E.Balashov.
Óńir basshysy qurylys jumystaryna on baǵasyn berip, jobany júzege asyrý óńirde jańa jumys oryndaryn ashýǵa múmkindik beretinin atap ótti.
Eske sala keteıik, Mundaı joba Bestóbe kenishinde de júzege asyrylmaqshy. Jalpy bul eki jobanyń quny 63 mıllıon AQSh dollaryn qurap otyr. Árqaısysynda da 100-den astam jumys orny ashylady dep josparlanyp otyr.
