Aqmola oblysynda «Altyn belgi» ıegerleri 100 myń teńgeniń sertıfıkatyna ıe boldy

KÓKShETAÝ. QazAqparat – Aqmola oblysynda bıyl 246 «Altyn belgi» ıegeri bar bolsa, onyń 16-sy-IQanat High School of Burabay túlekteri, dep habarlaıdy QazAqparat tilshisi.

Aqmola oblystyq bilim basqarmasy baspasóz qyzmetiniń málimetinshe, «Kókshetaý» mádenıet saraıynda «Altyn belgi» ıegerlerin marapattaý sharasy ótti. Sharaǵa qatysqan 230 «Alty belgi» ıegeriniń arasynda halyqaralyq, respýblıkalyq, oblystyq zııatkerlik, sporttyq jáne shyǵarmashylyq olımpıadalar men baıqaýlardyń jeńimpazdary men júldegerleri bar.

Saltanatty sharaǵa aımaq basshysy Ermek Marjyqpaev qatysyp, quttyqtaý sóz sóıledi.

«Mektep bitirgeli jatqan ár túlek Qazaqstan bolashaǵyn kórkeıtýge úles qosaryna senemin. Sondyqtan sizderge úlken úmit artyp otyrmyz. Elimizdiń bolashaǵy – sizderdiń qoldaryńyzda». – dep atap ótti Ermek Marjyqpaev.

Shara barasynda aımaq basshysy saltanatty túrde túlekterge «Altyn belgi» tósbelgisi men 100 myń teńgeniń aqshalaı sertıfıkatyn tabys etti.

Aıta ketsek, budan buryn Aqmola oblysynda bıyl orta mektepti 4597 túlek aıaqtaǵanyn jazǵan edik. Olardyń arasynda 246 bala «Altyn belgi» tósbelgisine, 334 úzdik attestatqa ıe boldy.