Aqmola oblysynda alǵashqy kásibı voleıbol klýby quryldy
KÓKShETAÝ. QazAqparat - Aqmola oblysynda alǵashqy kásibı voleıbol klýby quryldy, dep habarlaıdy QazAqparat tilshisi oblystyq dene shynyqtyrý jáne sport basqarmasynyń baspasóz qyzmetine sileteme jasap.
Jas voleıbol komandasy erler arasyndaǵy Qazaqstan Respýblıkasynyń Joǵarǵy lıgasynda óner kórsetetin bolady.
«Ushqyn Kókshetaý» klýb ujymymen kezdesken aımaq basshysy Ermek Marjyqpaev jańa komandanyń óńirde jastar men eresekter arasynda buqaralyq sporttyń, onyń ishinde voleıboldyń damýyna septigin tıgizetinin atap ótti.
«Jigitterge tartysty oıyn men jeńis tileımin. QR Chempıonatynda joǵary jetistikterge qol jetkizip, jankúıerlerin qýantatyna tilektestigimdi bildiremin», - dedi aımaq basshysy Ermek Marjyqpaev.
Búgingi kúni Aqmola oblysy aýmaǵynda 24 myńnan astam adam voleıbol aınalysady. Ásirese, balalar arasynda voleıboldy damytýǵa kóp kóńil bólinýde. Oblystyń on aýdanyndaǵy sport mektepterinde 500-de astam bala voleıbolǵa den qoıýda.
