Aqmola oblysynda alǵash ret júrektiń ıshemııalyq aýrýyna dıagnostıka jasaldy
KÓKShETAÝ. QazAqparat-Aqmola oblysynyń dərigerleri kornografııa ədisi boıynsha júrektiń ıshemııalyq aýrýyna alǵash ret dıagnostıka jasady, dep habarlaıdy QazAqparat tilshisi oblystyq ishki saıasat basqarmasyna silteme jasap.
Dúnıejúzilik densaýlyq saqtaý uıymynyń məlimetinshe, jyl saıyn 17,1 mln adam ınfarkt jəne ınsýltten kóz jumady. Osyǵan oraı, elimizdiń densaýlyq saqtaý salasy osy dertpen kúresý boıynsha jumystardy qolǵa alyp otyr.
Ótken jyly Aqmola oblysy əkimdiginiń qoldaýymen, densaýlyq saqtaý basqarmasy General Electric kompanııasynyń mýltıfýnktsıonaldy angıografııalyq qondyrǵysyn satyp aldy. Al jeltoqsan aıynda Astanadaǵy №2 Aqmola oblystyq aýrýhanasynda jańa qondyrǵy montajdaý jumystarynan ótti. Osylaısha, aqmolalyqtarǵa júrektiń ıshemııalyq aýrýyna dıagnostıka jasaý qoljetimdi jəne tıimdi bolyp otyr.
Búkilálemdik densaýlyq saqtaý uıymynyń usynysy boıynsha 1 mıllıon adamnyń 3 myńyna osyndaı dıagnostıka jasaý qajet. Al Astananyń mańyndaǵy eldi mekenderde 190 myńnan astam adamnyń turatyn eskersek, olarǵa jylyna 750 koronarografııa qajet.
Koronarografııa - júrek tamyrlaryn zertteıtin ádisterdiń eń tıimdisi bolyp sanalady. Koronarografııa mamandandyrylǵan operatsııalyq bólmede rentgen sáýleleriniń baqylaýymen jasalady. Ota jasaýdyń qarsańynda keshkilik tamaq pen suıyqtan bas tartý kerek.
Zertteý jergilikti jansyzdandyrý arqyly júrgiziledi. Hırýrg dáriger kárijilik nemese sandyq arterııany tesip, sol arqyly júrekke jińishke kateter jiberedi. Kateter arqyly júrektiń tamyrlaryn toltyratyn kontrastyq zattek kirgiziledi.
Rentgende qan jáne onyń tamyrlardaǵy qozǵalysy kórinbeıdi, al rentgenkontrasty eritindi qanmen aralasyp tek qana ony kórsetpeı búkil koronarlyq tamyrdyń ishki pishinin kórsetedi, bul durys dıagnoz qoıýǵa múmkindik beredi.
Jaqynda Astanadaǵy №2 Aqmola oblystyq aýrýhanasynda alǵashqy koronarografııa jasaldy.
«Medıtsınalyq mekeme úshin qazirgi zamańǵy mundaı qondyrǵynyń paıdasy zor. Mýltıfýnktsıonaldy angıografııalyq qondyrǵy asqynǵan mı qan aınalymynyń buzylýyn (ınsýlt) erte anyqtap, em qabyldaýyna múmkindik beredi», - deıdi aýrýhananyń bas dərigeri Rústem Əlbaev.
Qazirgi kezde, №2 Aqmola oblystyq aýrýhanasynynda jalpy terapııa, pedıatrııa, hırýrgııa, travmatologııa, gınekologııa, ýrologııa, sondaı-aq, juqpaly aýrýlar jəne akýsher-gınekologııa bólimsheleri jumys isteıdi.
Aldaǵy ýaqytta aýrýhanada stentgraft qondyrǵysyn omyraý jəne ish aortasy, jatyr qan tamyry embolızatsııasy (jatyr mıomasy), qýyq asty beziniń qabynýy sııaqty aýrlarǵa engizý josparlanǵan.
