Aqmola oblysynda áleýmettik jelide pornografııalyq sýret taratqandar ustaldy
KÓKShETAÝ. QazAqparat - Aqmola oblysynda áleýmettik jelide pornografııalyq sýret taratqan úsh adam ustaldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, oblys aýmaǵynda «Anti-fraud» jedel aldyn alý sharasy barysynda aqparattyq tehnologııany qoldaný arqyly pornografııalyq sýrettiń ınternet jelisinde taratylǵany anyqtalǵan.
«Aqmola oblysynyń 23 jáne 25 jastaǵy eki turǵyny, sondaı-aq 34 jastaǵy astanalyq ustaldy. Úsh áıel de pornografııalyq saıttaǵy óz paraqshasyna ıntımdik sýretterdi jarııalaǵan», - deıdi vedomstvodan.
Qazirgi kezde osyǵan baılanysty QR QK 311 baby boıynsha (pornografııalyq materıaldar men zattardy zańsyz jarııalaý) qylmystyq is qozǵaldy.
