Aqmola oblysynda áleýmettik ortalyqta qyzmet etetin júkti áıel koronavırýs juqtyrǵan
KÓKShETAÝ. QazAqparat - Aqmola oblysynda 14-shi sáýirdegi jaǵdaı boıynsha taǵy eki adam koronavırýs juqtyrdy. Oblys boıynsha atalmysh dertke shaldyqqandar sany 73-ti qurady, onyń tórteýi kóz jumdy, dep habarlaıdy QazAqparat tilshisi oblystyq densaýlyq saqtaý basqarmasyna silteme jasap.
«Kókshetaý qalasynyń turǵyny 1995 jylǵy áıel COVID-19 tabylǵan 1998 jylǵy er adammen jaqyn baılanysta bolǵan. Ol naýryzdyń 25-de qonaqqa barǵan, onda Almatydan kelgen qonaqtar bolǵan.
Jalpy, atalmysh otbasy boıynsha 6 adamnyń baılanysta bolǵany anyqtaldy. Onyń 4-ýi úı karantınine alynǵan. ıAǵnı, 2005 jylǵy jasóspirim Aqmola oblystyq kópeıindi oblystyq balalar aýrýhanasynyń, al 1967 jylǵy er adam Aqmola oblystyq týberkýlezge qarsy dıspanseriniń provızorlyq stantsıonaryna asqynǵan respıratorly vırýsty ınfektsııa dıagnozymen jatqyzyldy.
Osy jaǵdaı boıynsha baılanysty bolǵan 31 adam anyqtaldy. Olardyń ishinde 27 adam jaqyn baılanysta bolsa, taǵy 4 adam sol baılanysta bolǵanadamdarmen qatynasqan. Olardyń arasynda 4 adam karantındik stantsıonar jáne 2 adam prvızorlyq stantsıonarǵa ornalastyryldy», - deıdi Aqmola oblysynyń densaýlyq saqtaý basqarmasyndaǵylar.
Vedomstvodan atap ótkendeı, Aqmola oblystyq taýarlar men qyzmetterdiń sapasy men qaýipsizdigin baqylaý departamentiniń mamandary sanıtarlyq-epıdemıologııalyq sharalardy júrgizýde.
«Ekinshi jaǵdaı Tselınograd aýdanynda 1994 jylǵy júkti áıelden (júktiligi 18-20 apta) anyqtaldy. Ol «Shapaǵat» áleýmettik qyzmet kórsetý ortalyǵynda sanıtar bolyp jumys istegen, osynda koronavırýs tabylǵan adammen baılanysta bolǵandyqtan karantındik stantsıonarda jatqan», - dep tolyqtyrdy densaýlyq saqtaý basqarmasyndaǵylar.
Aıta keteıik, qazirgi kezde óńirdegi stantsıonarlarda barlyǵy 364 naýqas bar, onyń ishinde 65 adam ınfektsııalyq, 183 adam provızorlyq jáne 116 adam karantındik stantsıonarda. Al, úı karantıninde 554 adam bar.
