Aqmola oblysynda áleýmettik qyzmet portaly iske qosyldy
Qazannyń 1-nen bastap, múmkindigi shekteýli 11 tulǵa ym arqyly jáne 9 adam jeke kómekshiniń kómegimen áleýmettik qyzmet portaly arqyly qyzmet alady.
Sonymen birge, 9 aqmolalyq shıpajaı – kýrorttyq emdeý qyzmetin alý úshin ótinish berdi.
Oblystyq jumyspen qamtýdy jáne áleýmettik baǵdarlamalardy úılestirý basqarmasynyń dereginshe, bıylǵy jyldyń qazan aıynyń basynda qyzmettiń úsh túri pılottyq rejımde portalǵa engizildi. Qazannyń 1-nen bastap oblysta jeke kómekshi, ym tilindegi maman jáne shıpajaı – kýrorttyq emdeý qyzmetteri boıynsha 15 ótinish tústi. Qazirgi kezde portal arqyly beıimdeýdiń 130 tehnıkalyq qarajaty berildi.
«Men ym arqyly kómek alý úshin pılottyq rejım sheńberinde áleýmettik qyzmet portalyna tirkeldim. Áleýmettik qyzmet portalynda jumys isteý yńǵaıly, ári túsinikti. Mundaǵy qyzmettiń barysy mamandar jáne múmkindigi shekteýli jandardyń tarapynan baqylanyp otyrady», - dep atap ótti ym arqyly kómek kórsetetin maman Gýşına Irına Vasılevna.
Osy rette, múmkindigi shekteýli jandar áleýmettik qyzmet portalynyń artyqshylyǵyn aıtýda.
«Portaldyń iske qosylýy qyzmet sapasy men jyldamdyǵyn arttyrdy. Osy arqyly tapsyrysymyz tez jetedi. Taýardy jetkizý merzimi eki aptaǵa qysqardy», - deıdi I toptaǵy múgedek Artem ıAşenko.
Búgingi tańda portaldyń tiziliminde 75 jetkizip berýshi tirkelgen. Onyń 73-i áleýmettik qyzmet, 2 shıpajaı-kýrorttyq emdeý boıynsha. Qazir jeke tańdaý qajet etpeıtin ońaltýdyń 24 jáne 55 túrli tehnıkalyq quraldary portalyq arqyly usynylady. Al, 21 jyldyń qańtar aıynan bastap, jeke tańdaýdy qajet etetin tehnıkalyq quraldary qoljetimdi bolady.
