Aqmola oblysynda áleýmettik baǵytta 34 shara júzege asyrylady
Bul týraly Elbasy Nursultan Nazarbaevtyń «Bolashaqqa baǵdar: Rýhanı jańǵyrý» atty baǵdarlamalyq maqalasynyń bir jyldyq belesine oraı Kókshetaýda ótip jatqan «Sanaly qoǵam - sapaly damý» ǵylymı-ádistemelik konferentsııasynda Aqmola oblysy ákiminiń orynbasary Aına Mysyrəlimova atap ótti.
Shahmet Qusaıynov atyndaǵy Aqmola oblystyq mýzykalyq drama teatrynda uıymdastyrylǵan taǵylymdy sharaǵa Aqmola oblysy ákiminiń orynbasary Aına Mysyrálimova, QR Parlamentiniń Senat depýtaty Jeńis Nurǵalıev, L.Gýmılev atyndaǵy Evrazııa ulttyq ýnıversıtetiniń «Rýhanı jańǵyrý» ınstıtýtynyń dırektory Erlan Aryn men Qazaqstan halqy Assambleıasy kafedrasynyń meńgerýshisi Anatolıı Bashmakov, «Kıeli Qazaqstan» ǵylymı-zertteý ortalyǵynyń basshysy Berik Ábdiǵalıev qatysýda.
Oblys ákimi orynbasarynyń aıtýynsha, búgin tańda qazaqstandyqtar el tarıhyndaǵy jańa kezeńniń týyndaýyna kýáger bolyp otyr. Onyń ereksheligi - Prezıdent jarııalaǵan jańǵyrtý úrdisi úsh baǵytta birdeı iske asýynda, bul - ekonomıkany jańǵyrtý, saıası jaǵyrýdyń negizderin qalaǵan konstıtýtsııalyq reforma jáne qoǵamdyq sanany jańǵyrtý.
Sonymen qatar, dál úshinshi baǵyt eń kúrdeli jáne keshendi bolyp tabylady, óıtkeni, qazaqstandyqtar aldynda qoǵamdyq sanany jańǵyrý sııaqty mindet bolǵan joq. Ol - elimizdegi barlyq ózgeristerdiń negizi, al onyń qosalqy bólshekteri - alty joba.
Sondyqtan da, Táýelsiz Qazaqstannyń tarıhynda ult aldynda sanany jańǵyrtý sııaqty tereń mindettiń turmaǵanyn atap aıtýǵa bolady.
Osy ýaqytta Aqmola oblysynda «Rýhanı jańǵyrý» baǵdarlamasynyń negizgi baǵyttary tabysty júzege asyrylyp jatyr.
«Elbasynyń «Rýhanı jańǵyrý» baǵdarlamasynyń sheńberindegi bastaý alǵan jobalar oblys turǵyndary arasynda qyzyǵýshylyqty týdyrdy. Jobalyq ofıske bastamashyl jáne beıtarap qaramaıtyn azamattar kelip, óz usynystaryn nemese tilekterin bildiredi.
Qazirgi tańda óńirlik komıssııa, jumys toptary qyzmetiniń nátıjeleri bar. Baǵdarlama sheńberindegi jobalardy júzege asyrý boıynsha usynystardy talqylaý jáne ázirleýdiń tıimdi alańy bolǵan óńirlik Sarapshy keńes tabysty jumys jasaýda.
Rýhanı jańǵyrý baǵdarlamasyn basqarýdyń respýblıkalyq keńsesi 1 jobany, 110 shaǵyn jobany, 171 is-sharany maquldady. Olardyń ishinde, 2017 jyly 1 joba (jastar saıabaǵy), 46 shaǵyn joba jáne 60 is-shara júzege asyryldy.
Óńirde 2018-19 jyldary aralyǵynda áleýmettik baǵyttaǵy jeke bastamalardyń sheńberinde 34 is-shara josparlanǵan. Onyń ishinde 17 memlekettik-jekeshelik áriptestik boıynsha», - dep atap ótti A.Mysyrəlimova óz sózinde.
Sonymen qatar ol óńirdiń segiz turǵyny «100 jańa tulǵa jobasyna» enip otyrǵanyn erekshe atap ótti.
Shara barysynda «Rýhanı jańǵyrý» baǵdarlamasyn júzege asyrýǵa úles qosqany úshin Aqmola oblysy ákiminiń alǵys hattarymen marapattalady. Olardyń arasynda «Zarechnyı» JShS dırektory Ýálıhan Áripov, «Kókshe Jemchýg» JShS basshysy Qanat Jəkenov, «Juldyz» balalar qoǵamdyq uıymdarynyń odaǵy» qoǵamdyq birlestiginiń prezıdenti Elena Dmıtrıenka, «Túsipbekov» JK dırektory Quralaı Túsipbekova, «Sarymsaqty» JShS dırektory Oralbaı Glashev, oblystyq orys drama teatrynyń dırektory Beıbit Baqtygereev jəne «Jańa tolqyn» jastar qoǵamdyq birlestigi tóraıymy Jaınagúl Qappasova bar.
