Aqmola oblysynda aldaǵy kúnderi bolatyn aýa raıynyń boljamy
KÓKShETAÝ. QazAqparat - Aqmola oblysynda aldaǵy kúnderi tuman, kóktaıǵaq jáne boran bolady. Bul týraly óńirlik kommýnıkatsııalar qyzmetinde ótken brıfıngte «Qazgıdromet» fılıalynyń dırektory Baqyt Maqajanova aıtty, dep habarlaıdy QazAqparat tilshisi.
Onyń málimeti boıynsha qazirgi kezde oblystyń soltústik, ońtústik-batys jáne batys aýdandarynda jyldaǵy normadaǵydaı qar tústi. Onyń ishinde Sandyqtaý aýdanynda 58 paıyz, Atbasarda-8,8 paıyzdan astam, Esilde-145 paıyz, Jaqsyda-1,4 paıyzǵa joǵary, Jarqaıyńda-23,6 paıyzǵa joǵary, Býrabaıda-64,6 paıyzǵa joǵary, Kókshetaýda-42,7 paıyz.
Degenmen, 25 naýryzdaǵy ólshemge qaraǵanda oblys boıynsha qardyń ortasha qalyńdyǵy ótken jyldyń sáıkes kezeńimen salystyrǵanda 46 paıyzdan kem, sondaı-aq, qardaǵy sýdyń mólsheri de 45 paıyzǵa kem ekeni anyqtaldy.
Naýryz-sáýir aılarynda tsıklon jáne antıtsıklondardyń áserinen aýa raıy kúrt ózgerýi múmkin.
«Osy aıda jaýyn-shashyn normadan kóp bolady dep kútilýde. Keıbir jerlerde jaýyn-shashyn, kóktaıǵaq bolyp, tuman túsedi. Shyǵystan soqqan jeldiń qarqyny alǵashqy onkúndiktiń birinshi jartysy men ortasynda sekýndtyna 15-20 metrge deıin, al úshinshi onkúndikte ońtústik-batystan jyldamdyǵy sekýndyna 15-20 metr bolatyn jel turady», dedi B. Maqajanova.
Qazirgi kezde, Aqmola oblysy boıynsha aldaǵy bir aptanyń aýa raıy boljamy jasaldy. Osyǵan sáıkes, (90 paıyz dáldik) oblys aýmaǵynda aýa temperatýrasy (-4 gradýs) óz normasy shamasynda bolady.
