Aqmola oblysynda alaıaqtyqpen aınalysqan áıel ustaldy
KÓKShETAÝ. QazAqparat - Aqmola oblysynda alaıaqtyqpen aınalysqan áıel ustaldy, dep habarlaıdy «QazAqparat» HAA tilshisi oblystyq ІІD baspasóz qyzmetine silteme jasap.
Polıtseılerdiń deregi boıynsha 2016 jyldyń maýsym jáne shilde aılarynda Kókshetaý qalalyq ІІB kezekshilik bólimine jergilikti turǵyndar habarlasyp, alaıaqtyqpen aınalysqan 26 jastaǵy azamatshanyń ústinen aryz túsirgen.
«Jedel izdestirý sharasy barysynda polıtseıler kúdiktini ustap, qylmysyn áshkereledi.
Zardap shegýshilerdiń biri - Býrabaı aýdanyndaǵy Zelenyı bor aýylynyń 23 jastaǵy turǵynynyń aıtýynsha, tanysy oǵan 229 000 nesıe aldyrtqan. Bastapqyda nesıeniń aı saıynǵy tólemin ýaqtyly ótep otyramyn dep sendirgen kúdikti keıin aqsha qolyna tıgen soń izim-ǵaıyp bolǵan.
Keıin araǵa bir aı ýaqyt salyp, kúdikti taǵy bir áıeldi osyndaı aılamen san soqtyrǵan. Bul joly zardap shegýshige nesıege 250 000 myń teńge aldyrtqan», dep kórsetilgen habarlamada.
Qazirgi kezde, kúdikti qylmysyn moıyndap, túsinikteme berdi.
Sondaı-aq, kúdiktiniń ústinen QR QK 190 babynyń 1 bólimi boıynsha (alaıaqtyq) qylmystyq is qozǵaldy.
