Aqmola oblysynda aqqýdy atqandar ustaldy
KÓKShETAÝ. QazAqparat – Aqmola oblysynda Qyzyl kitapqa engen aqqýdy atqan ańshylar ustaldy, dep habarlaıdy QazAqparat tilshisi.
Aqmola oblystyq Polıtsııa departamenti baspasóz qyzmetiniń málimetinshe, aǵymdaǵy jylǵy 7 qazanda Egindikól aýdandyq polıtsııa bólimine aýmaqtyq orman sharýashylyǵynyń qyzmetkeri habarlasyp, belgisiz tulǵalardyń «Juldyz» ańshylyq sharýashylyǵy aýmaǵynda zańsyz ań aýlaýmen aınalysatynyn atıqan.
«Oqıǵa ornyna jetken polıtsııa qyzmetkerleri Nur-Sultan qalasynyń 41 jáne 42 jastaǵy eki turǵynyn anyqtady. Aıtylǵan jerden atylǵan aqqý, kúdiktilerge tirkelgen eki myltyq, sondaı-aq gılzalar, 60-tan oq-dári, qoramsaq tárkilendi. Tabıǵatqa keltirilgen shyǵyn kólemi 5 mıllıon 250 myń teńgeni quraıdy», - dedi vedomstvodan.
Qazirgi ýaqytta zańsyz ań aýlaýǵa baılanysty Egindikól aýdandyq polıtsııa bóliminiń tergeýshiler Qylmystyq kodekstiń 337-shi baby boıynsha sotqa deıingi is tergeý amaldaryn bastap ketti. Sonymen birge, saraptama taǵaıyndaldy.
Aıta ketsek, óńirde sýda júzetin qustardy aýlaýǵa tyıym salynǵan. Aqqýlar sırek kezdesetin jáne quryp ketý qaýpi tóngen janýarlar túrleriniń tizimine jatady jáne sany azaıyp bara jatqan túrler retinde Qazaqstan Respýblıkasynyń Qyzyl kitabyna engizilgen.
