Aqmola oblysynda «Aq marafon» spartakıadasy ótýde
KÓKShETAÝ. QazAqparat - Aqmola oblysynyń Sandyqtaý aýdanynda Kalgarı qalasynda ótken XV Olımpıada oıyndarynyń kúmis júldegeri Vladımır Sahnovtyń qurmetine dástúrli «Aq marafon» spartakıadasy ótýde, dep habarlaıdy «QazAqparat» HAA tilshisi.
Eki kúnge josparlanǵan bıylǵy «Aq marafon» saıysyna Astana, Qostanaı, Petropavl, Qaraǵandy, Aqtóbe, Pavlodar, Temirtaý, Rýdnyı, Kókshetaý qalalarymen qatar, Shyǵys Qazaqstan oblysynan, sondaı-aq, jergilikti Sandyqtaý jəne Býrabaı aýdandarynan barlyǵy 400-ge jýyq sportshy qatysty. Klassıkalyq jarysta erler shańǵymen 50, 20, 10 shaqyrymǵa júrip ótse, əıelder 20, 10, 5 shaqyrym qashyqtyqtarda synǵa tústi.
Atap óterligi, bul dodada Almaty qalasynda ótken 28-shi qysqy Ýnıversıadanyń qatysýshylary Olga Mandrıka, Rınat Mýhın sııaqty tanymal sportshylar da ózara baq synasty. Jarys qorytyndysy boıynsha Qostanaı qalasynyń sportshysy Vıtalıı Pýhkalov 50 shaqyrym qashyqtyq mejeni baǵyndyryp, 1 oryndy jeńip alsa, jasóspirimder arasynda ótken shańǵy jarysynan 30 shaqyrym qashyqtyqta oza shapqan sandyqtaýlyq Roman Eremın júldeli 1 orynnan kórindi.
Qyz-kelinshekter de saıysta ese jibermedi. Sandyqtaýlyq Olga Mandrıka 20 shaqyrymdyq qashyqtyqta jeńis tuǵyryna kóterilse, shyǵysqazaqstandyq Ýlıana Ýdralıonova óz qarsylastarynan úzdik dep tanyldy.
«Júzden júırik, myńnan tulpar» iriktelip, aqtyq bəsekede júldeli orynnan kóringen basqada sport sańlaqtary uıymdastyrý alqasynyń arnaıy júldesimen marapattaldy.
«Aq marafon» spartakıadasy aıasynda aýdanda budan basqa da birneshe sporttyq sharalar ótkiziledi dep josparlanýda. Ústimizdegi jyldyń 8 səýirine deıin jalǵasyn tabatyn respýblıkalyq jarystar aýdan ortalyǵynda ótedi.
