Aqmola oblysynda «Aq bıdaı» 30-shy jazǵy spartakıada oıyndary bastaldy
KÓKShETAÝ. QazAqparat - Aqmola oblysynyń Jarqaıyń aýdanynda «Aq bıdaı-2017» 30-shy jazǵy sporttyq oıyndarynyń oblystyq spartakıadasy bastaldy, dep habrlaıdy QazAqparat tilshisi.
Jarysqa qatysýshylardy quttyqtaǵan aımaq basshysy Málik Myrzalın jastar arasynda buqaralyq sportty nasıhattap, salaýatty ómir saltyn ustaný Elbasy saıasatynyń basty baǵyttary ekenin atap ótti.
«Bizde deneshynyqtyrý jáne sportty nasıhattaýǵa zor kóńil bólinýde. Salaýatty ómir saltyn ustaný baǵytyndaǵy memlekettik jobalar sátti júzege asyrylýda. Oblysta jyl saıyn qazirgi zamanǵy sporttyq nysandar paıdalanýǵa berilýde. Sońǵy eki jyl ishinde sporttyq nysandardyń sany 100-ge artty», - dep atap ótken oblys ákimi sportshylarǵa jeńiske jetýlerine tilektestigin bildirdi.
Eske sala keteıik, jarysqa oblystyń ár óńirinen kelgen komandalar fýtbol, voleıbol, shahmat, doıby, ústel tennısi, jeńil atletıka, otbasylyq starttar tárizdi sporttyń 7 túri boıynsha baq synaıtyn bolady.
Spartakıadanyń ashylý saltanaty Derjavınsk qalasyndaǵy 100 mıllıon teńgege kúrdeli jóndeý júrgizilgen «Jastar» stadıonynda ótti. Jarys tamyzdyń 26-na deıin jalǵasady. Jeńimpazdar respýblıkalyq spartakıadaǵa joldama alady.
