Aqmola oblysynda aǵylshyn tiliniń muǵalimi úzdik pedagog atandy
KÓKShETAÝ. QazAqparat - Aqmola oblysynda «Úzdik pedagog - 2019» baıqaýynyń jeńimpazdary anyqtaldy, dep habarlaıdy QazAqparat tilshisi.
Aqmol oblystyq bilim basqarmasy baspasóz qyzmetiniń málimeti boıynsha, muǵalimderdiń mártebesin arttyrý jáne kásibı qyzmette joǵary jetistikteri bar shyǵarmashyl pedagogtardy anyqtaý maqsatynda bastaýysh, negizgi jáne jalpy orta bilim berý uıymdardyń pedagog qyzmetkerleri arasynda uıymdastyrylǵan baıqaý Kókshetaý qalasynyń №13 «EKOS» orta mektep-gımnazııasy bazasynda ótti.
Baıqaýǵa oblystyń 19 aýdany men Kókshetaý, Stepnogorsk qalalarynan, sondaı-aq 4 daryndy balalarǵa arnalǵan oblystyq mamandandyrylǵan mektepten 24 pedagog qatysyp, baq synady. Baıqaý «Meniń kásibı ustanymym» pedagogtyń ózin-ózi tanystyrý, «Shyǵarmashylyq zerthana», «Men - zamanaýı pedagogpyn», «Pedagog portfolıosy» tárizdi bes kezeńnen turdy.
Baıqaýdyń qorytyndysy boıynsha jeńimpazdar Aqmola oblysy bilim basqarmasynyń dıplomy men aqshalaı sertıfıkatyna ıe boldy.
Naqtyraq aıtsaq, bas júlde - 150 myń teńgeniń sertıfıkatyna Kókshetaý qalasyndaǵy M.Ǵabdýllın atyndaǵy №3 mektep-gımnazııasynyń aǵylshyn tili páni muǵalimi Samal Ahmetjanova laıyq dep tanylsa, 1-shi dárejeli dıplom men 100 myń teńgeniń sertıfıkaty Tselınograd aýdanyndaǵy Qoıandy orta mektebiniń matematıka páni muǵalimi Daýyl Ulanǵa, 2-shi dárejeli dıplom men 75 myń teńgeniń sertıfıkaty Býrabaı aýdanyndaǵy № 9 mektep - gımnazııasynyń geografııa páni muǵalimi Saıran Serdalınge, 3-shi dárejeli dıplom men 50 000 teńgeniń sertıfıkaty Kókshetaý qalasyndǵy №6 mektep - lıtseıiniń tarıh páni muǵalimi Gúlsulý Qasenova jáne Nur-Sultan qalasyndaǵy daryndy balalarǵa arnalǵan №2 mamandandyrylǵan mektep - ınternatynyń matematıka pániniń muǵalimi Rýslan Tórehanovqa buıyrdy.
Budan bólek, «Astana qalasy men Aqmola oblysynyń bilim jáne ǵylym qyzmetkerleriniń kásipodaǵy» QB túrli atalymdar boıynsha jeńiske jetkenderge 40 myń teńgeniń aqshalaı syıaqysyn tabys etti. Júldegerlerdiń arasynda Kókshetaý qalasyndaǵy daryndy balalarǵa arnalǵan №3 oblystyq mamandandyrylǵan mekteptiń tarıh páni muǵalimi Saltanat Alpyspaeva, Jaqsy aýdanyndaǵy №1 Jaqsy orta mektebiniń aǵylshyn tili páni muǵalimi Aıjan Ádilshynova, Aqkól aýdanyndaǵy №2 Aqkól orta mektebiniń tarıh páni muǵalimi Tatıana Kýcherova, Atbasar aýdanyndaǵy №1 orta mektebiniń aǵylshyn tili pániniń muǵalimi Álııa Nurmanova, Shortandy aýdanyndaǵy №3 Shortandy orta mektebiniń mýzyka pániniń muǵalimi Amantaı Nurbol bar.
