Aqmola oblysynda aǵaıyndy eki jigit sýǵa batyp ketti
KÓKShETAÝ. QazAqparat - Aqmola oblysynda 31 jáne 29 jastaǵy aǵaıyndy jigitter sýǵa batyp ketti, dep habarlaıdy QazAqparat tilshisi oblystyq TJD baspasóz qyzmetine silteme jasap.
Vedomstvonyń málimetinshe, bıylǵy jylǵy maýsymnyń 27-de Sandyqtaý aýdandyq órt sóndirý bólimine Petrovka aýyly mańyndaǵy Jabaı ózeniniń jaǵasynan eki aǵaıyndy jigittiń jeke zattary tabylǵandyǵy týraly telefon arqyly habarlandy.
«Er adamdardy izdeý úshin Kókshetaýdan shuǵyl túrde súńgýirler jiberildi. Sonymen birge, izdestirý sharlaryna kınologtar jeke quramyna 5 adam 2 birlik tehnıka, qyzmettik ıt jumyldyryldy. Nátıjesinde 12:30 Jabaı ózeninen 1990 jáne 1992 jylǵy jigitterdiń denesi tabyldy», - dedi vedomstvodan.
Sýǵa batqan aǵaly - inili jigitterdiń ákesiniń aıtýynsha, uldary úıde túnemegen. Tańerteń Jabaı ózeniniń jaǵasynda olardyń kıimderi tabylǵan.
