Aqmola oblysynda aǵash óńdeý tsehynan órt shyqty
KÓKShETAÝ. QazAqparat – Aqmola oblysynyń Tselınograd aýdanyndaǵy aǵash óńdeý tsehynan órt shyqty, dep habarlaıdy QazAqparat tilshisi oblystyq TJD baspasóz qyzmetine silteme jasap.
Vedomstvonyń málimetinshe, órt búgin túngi saǵat 00:22 shamasynda Qosshy aýlynda bolǵan. Qazandyqtan shyqqan órt, aǵash óńdeý jáne metall ónimderi tsehynan shyǵyp, 750 sharshy aýmaqty sharpydy.
Tilsiz jaýdy aýyzdyqtaýǵa TJD jeke quramynan 14 qyzmetker jáne 2 tehnıka, Nur – Sultan qalasynyń TJD 14 qyzmetker jáne 2 tehnıka, Jergilikti atqarýshy organdardan 2 adam jáne 1 tehnıka, jedel járdem medıtsınalyq qyzmetinen 5 adam jáne 2 tehnıka, DP 6 qyzmetker jáne 3 tehnıka jumyldyryldy. Órt saǵat 02:35 aýyzdyqtalyp, 04:20 sóndirildi.
«Sol mańdaǵy jatahanada bolǵan 29 adam (onyń 4 bala) qaýipsiz jerge shyǵaryldy. Mert bolǵandar men zardap shekkender joq. Órttiń shyǵý sebebi anyqtalyp jatyr», - dep túsindirdi vedomstvodan.
