Aqmola oblysynda «Adal jol - Chestnyı pýt» marafony bastaldy
KÓKShETAÝ. QazAqparat - Aqmola oblysynda «Adal jol - Chestnyı pýt» jemqorlyqqa qarsy marafony bastaldy. Bul týraly óńirlik kommýnıkatsııalar qyzmetinde ótken brıfıngte Aqmola oblysy boıynsha Memlekettik qyzmet isteri jáne jemqorlyqqa qarsy is-qımyl departamentiniń basqarma basshysynyń mindetin atqarýshy Málik Ahmetqalıev aıtty, dep habarlaıdy «QazAqparat» HAA tilshisi.
Málik Ahmetqalıevtiń aıtýynsha, halyq arasynda quqyqtyq mádenıetti kóterip, jemqorlyqqa tózbeýshilikti qalyptastyrý maqsatynda ótkiziletin marafon bıyl úshinshi ret uıymdastyrylyp otyr. Atalmysh shara oblysymyzdyń barlyq óńirlerin qamtyp, Halyqaralyq jemqorlyqqa qarsy kúres kúnine oraı, ıaǵnı aǵymdaǵy jyldyń 9 jeltoqsanynda qorytyndysy shyǵarylmaq. Marafon qorytyndysyna saı, sharaǵa belsene qatysýshylar arnaıy marapattarmen marapattalatyn bolady.
«Jemqorlyqqa qarsy marafonǵa barlyq jergilikti ákimdikter men qoǵamdyq uıymdar, «Nur Otan» partııasynyń fılıaldary, jastar uıymdary, buqaralyq aqparat quraldary qatysady. Árbir óńirde marafondy ótkizýge baılanysty is-sharalar jospary daıyndalyp, jumystardy soǵan saı júrgizý josparlanǵan. Óńirlerde júrgizilgen jumystardyń qorytyndysyna saı arnaıy beınefılmder men fotogalereıalar daıyndalatyn bolady», dedi M.Ahmetqalıev.
