Aqmola oblysynda Abaı klýby ashyldy
Táýelsizdik merekesi qarsańynda Kókshetaý qalasyna qarasty №3 Krasnoıar kópbeıindi mektep-gımnazııasynda «Abaı-dana, Abaı-dara qazaqta!» klýby ashyldy.
Klýbtyń ashylýy rásimine qala ákimdigi men qalalyq bilim bólimi, joǵary oqý oryndarynyń ókilderi, mektep dırektorlary men «Abaıtaný» kýrsynyń oqytýshylary qatysty.
«Uly Abaıdyń mereıtoıyna baılanysty mektebimizde klýb ashtyq. Ondaǵy basty maqsat – oqýshylarǵa qazaq ádebıetiniń klassıgi Abaıdy tanytý, onyń shyǵarmashylyǵy men rýhanı murasy jáne danalyǵyn nasıhattaý. Qazirgi kezde klýbtyń jyldyq jumys josparyn jasap qoıdyq. Aldaǵy ýaqytta sol boıynsha jumys isteıtin bolam yz», – deıdi mektep-gımnazııasynyń dırektory Gúlzat Baqtybaeva. 
Aıta ketsek, Aqmola oblysynda 150 den astam kóshe men eldi - mekenge Abaıdyń esimi berildi. Sonymen birge, Kókshetaýdaǵy qazaq tilinde oqytylatyn daryndy balalarǵa arnalǵan oblystyq mamandandyrylǵan №3 mektep - ınternaty Abaı esimimen atalatyn boldy.
