Aqmola oblysynda 927 qorap pırotehnıkalyq ónim tárkilendi
KÓKShETAÝ. QazAqparat – Aqmola oblysynda sertıfıkattalmaǵan 927 qorap pırotehnıkalyq ónim tárkilendi, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, 2019 jyldyń 17 jeltoqsany jáne 2020 jyldyń 3 qańtary aralyǵynda oblys aýmaǵynda zańsyz pırotehnıkalyq ónimderdi tasymaldaý, saqtaý jáne satý oqıǵalaryn aldyn alý sharasy ótti.
«Aktsııa barysynda polıtsııa qyzmetkerleri zańsyz pırotehnıkalyq ónimderdi tasymaldaý, saqtaý jáne satýdy aldyn alý úshin 195 bazar, 211 dúken jáne ózge de saýda oryndaryn tekserdi. Tekseris qorytyndysynda QR ÁQBK 196 baby boıynsha 50 adam ákimshilik jaýapkershilikke tartyldy. Onyń 20-y Kókshetaý qalasynyń turǵyndary.
Sonymen qatar, sertıfıkattalmaǵan 927 qorap pırotehnıkalyq ónim tárkilenip, 3 mln 345 myń teńge somasynda aıyppul salyndy.
Jalpy, Aqmola oblysynda Jańa jyl merekesi kúnderi pırotehnıkalyq ónimderdi qoldanýda tótenshe jaǵdaılar tirkelgen joq», deıdi vedomstvodan.
