Aqmola oblysynda 90 tonna astyq urlandy
KÓKShETAÝ. QazAqparat - Aqmola oblysynda 90 tonna astyq urlandy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, Egindikól aýdandyq PB krımınaldy polıtsııa qyzmetkerleri «Astyq» jedel aldyn alý sharasy kezinde 90 tonna astyqtyń urlanǵanyn anyqtady. Sońǵy málimet boıynsha, shyǵyn kólemi 6 mıllıon teńge dep baǵalanyp otyr.
«Egindkól aýdanyndaǵy seriktestikterdiń biriniń biriniń basshysy, ıaǵnı 59 jastaǵy er adamnyń osy qylmysqa qatysy bar degen aqparat tústi. Tergeý kezinde onyń seriktestik júrgizýshisimen sybaılas bolǵany anyqtaldy. Baýman aýylynyń 41 (júrgizýshi) jáne 39 (basshysy) jastaǵy turǵyndary aldyn ala kelisim boıynsha alqaptan jetkizilgen astyqty qambaǵa tókpeı, odan ári satý maqsatynda kórshi aýdanǵa áketip otyrǵan», deıdi vedomstvodan.
Qazirgi kezde osy oqıǵaǵa qatysty QR QK 189-baby boıynsha is qozǵalyp, sotqa deıingi tergeý amaldary júrgizilip jatyr.
