Aqmola oblysynda 90 polıtseı baspanaly boldy
KÓKShETAÝ. QazAqparat - Jańa jyl merekesi qarasańynda Aqmola oblysynda 90 polıtsııa qyzmetkeri baspanaly boldy, dep habarlaıdy QazAqparat tilshisi.
Jańa páterdiń kiltin tapsyrý sharasyna aımaq basshysy Ermek Marjyqpaev qatysyp, jańa qonys ıelerin qýanyshtarymen jáne aldaǵy Jańa jyl merekesimen quttyqtady. Aımaq basshysy óz sózinde polıtsııa qyzmetkerleriniń qoǵamdyq tártipti qamtamasyz etýdegi jáne aımaqtaǵy koronovırýs pandemııasynyń taralmaýyna qarsy kúreske qosqan eleýli úlesine toqtaldy. Sonymen birge, ol búgingi tańda turǵyn úıdiń qoljetimdiligi jáne azamattar úshin áleýmettik jaǵdaı jasaý basty másele ekenin atap ótti.
«Sońǵy úsh jylda óńirde 139 jaıly kóp páterli úı salyndy, onyń ishinde Kókshetaý qalasynda 70-ten astam úı paıdalanýǵa berildi», - dedi aımaq basshysy.
Al, Aqmola oblysy Polıtsııa departamentiniń bastyǵy, polıtsııa general-maıory Armanbek Baımýrzın oblys ákiminiń qoldaýynyń arqasynda aǵymdaǵy jyly polıtsııa departamenti qyzmetiniń tıimdiligin arttyrýǵa, vedomstvonyń materıaldyq-tehnıkalyq
Sonymen birge, sharada turǵyn úıdi merzimine sáıkes salyp bergen «SK Regıon Stroı» JShS basshysy Aleksandr Dvortsevoıǵa jáne ózge azamattarǵa alǵys aıtyldy.
Jańa turǵyn úıden baspanaly bolǵandardyń arasynda Іshki ister organdarynda 11 jyl qyzmet istep júrgen tájirıbesi bar ýchaskelik polıtsııa ınspektory, tórt balanyń ákesi Narıman Nurjaqsyn óziniń qýanyshymen bólisti.
«Jańa páter otbasymyz úshin Jańa jyldyq úlken syı boldy. Biz úshin bul kópten kútken qýanysh», - dedi ol.
