Aqmola oblysynda 9 kólik soqtyǵysqan iri jol apaty oryn aldy
KÓKShETAÝ. QazAqparat - Shortandy aýdanynda 9 kólik soqtyǵysqan iri jol apaty oryn aldy. Bul týraly «QazAqparat» tilshisine «Qazavtojol» RMK-nyń dıspetcheri habarlady.
Jol-kólik oqıǵasy 31 qańtar kúni keshki ýaqyt 20:00 mınýt shamasynda Shortandy aýdany aýmaǵynda «Astana-Petropavl» tas jolynyń 25 shaqyrymynda oryn alǵan.
Astanadan shyqqan «Nıssan Maksıma» kóliginiń júrgizýshisi rólge ıe bola almaı aldynda kele jatqan «DAF» júk kóligine soǵylǵan. Júk kóligi teńselip baryp, jol shetindegi qorshaýǵa soǵylǵan. Osynyń saldarynan arta qatty jyldamdyqpen kele jatqan «Toıota Kamrı» «Shkoda Aktavııa», «Kıa Serato», «Mıtsýbısı Aýtlander» jáne «Aýdı» kólikteri toqtaı almaı bir-birine soǵyldy.
Keıin arada 45 mınýt ótkennen soń osy baǵytta kele jatqan «Djelı Emgrand» kóligi jol apaty oryn alǵan jerde toqtamaq bolyp, ony artynda kele jatqan «Nıssan Premera» kóligi soqty. Nátıjesinde sońǵy «Nıssan Premera» kóliginiń júrgizýshisi men jolaýshylary túrli dene jaraqatymen aýrýhanaǵa jetkizildi. Al, jol apatyna sebepker «Nıssan Maksıma» kóliginiń júrgizýshisi oqıǵa ornynan izin sýytqan. Qazirgi kezde, kináli júrgizýshi izdestirilýde», dep kórsetilgen habarlamada.
