Aqmola oblysynda 9 kólik bir-birine soǵyldy

ASTANA. QazAqparat - Aqmola oblysyndaǵy tasjolda jappaı jol apaty boldy, dep habarlaıdy QazAqparat polıtsııaǵa silteme jasap.

8 qańtarda Astana - Petropavl avtojolynyń 236-shaqyrymynda 9 kóliktiń qatysýymen jol apaty boldy.

34 jastaǵy VAZ 2109 kóliginiń júrgizýshisi jol-meteorologııalyq jaǵdaıdy eskermeı, 64 jastaǵy astanalyq tizgindegen Chevrolet Cobalt avtokóligimen jáne Belarýs Respýblıkasynyń 38 jastaǵy azamatynyń basqarýyndaǵy Volvo avtokóligimen soqtyǵysýǵa jol bergen.

Sodan keıin taǵy 6 kólik soqtyǵysqan: Renault Sandero, Gazel, 2 Toyota Camry, Daimler Chrysler jáne Toyota Prado.

Jol apaty saldarynan «Avıtsenna Býrabaı» JShS-ne 19-49 jas aralyǵyndaǵy 2 júrgizýshi men 7 jolaýshy jetkizildi.

6 júrgizýshige qatysty QR ÁQBtK 610-baby 1-bóligi boıynsha ákimshilik hattama jasaldy.

Vıdeodan alynǵan kadr