Aqmola oblysynda 9 aýyl ákimi tártiptik jazaǵa tartyldy
KÓKShETAÝ. QazAqparat - Ótken jyldyń qorytyndysy boıynsha Aqmola oblysynda 9 aýyl ákimi tártiptik jazaǵa tartyldy. Bul týraly Aqmola oblysy boıynsha Memlekettik qyzmet isteri jáne sybaılas jemqorlyqqa qarsy is-qımyl departamenti basshysynyń orynbasary, ádep jónindegi keńes hatshysy Darhan Haırýllın málim etti, dep habarlaıdy «QazAqparat» HAA tilshisi.
Onyń aıtýynsha, 2016 jyldyń qorytyndysy boıynsha 11 keńes otyrysy ótip, 57 zań buzýshylyq qaralǵan.
«Bizdiń óz quzyreti sheńberinde memlekettik qyzmet salasyn rettep, baqylaý, tekserý, anyqtaý, jolyn kesý sııaqty fýnktsııalardy júzege asyrady jáne memlekettik qyzmet kórsetýdiń sapasy men sybaılas jemqorlyqtyń aldyn alýǵa memlekettik baqylaý jasaıdy. Osy baǵytta júrgizilgen sharalar barysynda ótken jyly tirkelgen zań buzýshylyqtardyń 33-i tártiptik is bolsa, 24-i memlekettik qyzmet zańnamasynyń buzylýy jáne jemqorlyqty aldyn alý baǵytyndaǵy sharalar. Keńes jumysynyń qorytyndysyna saı ádep boıynsha 31 laýazymdy tulǵa tártiptik jaýapkershilikke tartyldy. Onyń arasynda 1 aýdan ákimi (A korpýsy), 3 aýdan ákiminiń orynbasary, 1 aýdan ákimi apparatynyń basshysy, 9 aýyl ákimi, 10 aýdandyq memlekettik organdardyń basshylary, 2 oblystyq basqarmanyń basshylary jáne 4 bas maman bar», - dedi D.Haırýllın.
Sonymen qatar, 36 qoǵamdyq qabyldaý ótkizilip, túrli saýaldarymen kelgen 73 adamnyń aryz-shaǵymy qaralǵan.
«Qoǵamdyq qabyldaý bizdiń qyzmetimizdiń ımıdji men halyqtyń qorǵalýyna oń yqpal etedi. Máselen, S.Grıbanova men E.Rıhterdiń aryzy boıynsha Esil aýdanyndaǵy Dvýrechenskıı selolyq ákimi aparatyna tekseris júrgizilip, memlekettik qyzmettiń Ádep kodeksiniń buzylǵany anyqtaldy. Sol sebepti, atalǵan okrýg ákiminiń ústinen Ádep kodeksiniń birqatar pýnktteri boıynsha tártiptik ister qozǵalyp, «qatań sógis» túrinde jaza taǵaıyndaldy.
Dál osyndaı tártiptik is Jarqaıyń aýdany Otradnaıa selolyq okrýgi ákiminiń ústinen de qozǵaldy. Bul jerde okýrg ákimi mas kúıinde kólik júrgizý kýáliginsiz rólge otyrǵan. Otyryp qana qoımaı, polıtsııa qyzmetkerine baǵynbaǵan. Oǵan Ádep keńesi otyrysynda «qyzmetinen bosatý» týraly sheshim shyǵaryldy», dedi D.Haırýllın.
