Aqmola oblysynda 800 myńǵa jýyq adam emhanalarǵa tirkeldi
«Áleýmettik medıtsınalyq saqtandyrý qorynyń» Aqmola oblystyq fılıaly dırektorynyń orynbasary Talǵatbek Tileýberdın málimetinshe, emhanaǵa bekitý naýqany naýqasqa 2023 jyldyń 1 qańtarynan bastap qyzmet kórsetiletin klınıkany tańdaýǵa múmkindik beredi. 15 qyrkúıekten bastap Qazaqstanda emhanalarǵa erkin tirkelý júrip jatyr. Naýqan eki aıǵa sozylady. Osy ýaqyt ishinde qazaqstandyqtardyń medıtsınalyq uıymdy tańdaý múmkindigi bar.
«Bıyl Aqmola oblysynda 25 medıtsınalyq uıymmen shart jasaldy, onyń 18-i memlekettik jáne 7-i jeke menshik. 16 qyrkúıektegi jaǵdaı boıynsha óńirde 785 035 adam tirkelgen, onyń ishinde sheteldikter - 8 109, qandastar - 240, aýyl halqy - 335 379 adam. Medıtsınalyq uıymdy erkin tańdaý naýqany jyl saıyn ótkiziledi. Ol qazaqstandyqtarǵa tirkelý uıymyn ózgertýge múmkindik beredi», - deıdi Talǵatbek Tileýberdın.
Naýqastar ýchaskelik dárigerdiń qabyldaýyna, óziniń densaýlyq jaǵdaıyn baqylaýdy, ambýlatorııalyq dári-dármekpen qamtamasyz etýdi, skrınıngtik tekserýlerden, dıagnostıkalyq zerthanalyq jáne aspaptyq zertteýlerden ótýdi, emdeýge jatqyzýǵa joldamany qosa alǵanda, medıtsınalyq kómekke qol jetkize alady.
«Tirkeý naýqany naýqasqa 2023 jyldyń 1 qańtarynan bastap qyzmet kórsetetin klınıkany tańdaýǵa múmkindik beredi. Emhanany erkin tańdaý quqyǵyn paıdalanbaǵan azamattar buryn qyzmet kórsetilgen medıtsınalyq uıymyna bekitilgen bolyp qalady», - dep túıindedi Talǵatbek Tileýberdın.
Aıta ketsek, Aqmola oblysynda tumaýǵa qarsy vaktsına egý jumystary bastaldy.
