Aqmola oblysynda 800-den astam adam qutqaryldy, onyń 92-si - bala
KÓKShETAÝ. QazAqparat - Aqmola oblysynda qańtardyń 26-29 aralyǵynda bolǵan boran kezinde qutqarý jumystarynyń qorytyndysy shyǵaryldy. Bul týraly brıfıngte Aqmola oblysy boıynsha TJD bastyǵy Alekseı Sovetov aıtyp berdi, dep habarlaıdy QazAqparat tilshisi.
TJD bastyǵy atap ótkendeı, aǵymdaǵy jyldyń 24 qańtarynda departament aýa raıynyń kúrt buzylatyndyǵy týraly eskertý aqparat aldy. Jalpy, 20-31 qańtar aralyǵynda 41 SMS habarlama jiberildi, onyń 56-i «Darmen» mobıldik qosymshasy arqyly.
«Boran kezinde jolda qar qursaýynda qalǵan 845 adam (onyń 92 bala) jáne 593 tehnıka (6 jedel járdem kóligi) qutqaryldy. Sondaı-aq, 1446 adam (onyń 131-si - bala) qaýipsiz jerge kóshirildi. Jylyný ornyna 2181 adam (onyń 129-sy - bala) ornalastyryldy. Ereımentaý aýdanynda - 90 adam, Býrabaı aýdanynda - 107, Atbasar aýdanynda - 18, Tselınograd aýdanynda - 812, Astrahan aýdanynda - 4, Sandyqtaý aýdanynda - 2, Esil aýdanynda - 10, Arshaly aýdanynda - 3, Qorǵaljyn aýdanynda - 115, Shortandy aýdanynda - 35 jáne Stepnogor qalasynda- 16 adam jylyný beketine jaıǵasqan», - dedi A. Sovetov.
