Aqmola oblysynda 700-den astam pırotehnıkalyq ónim tárkilendi
KÓKShETAÝ. QazAqparat - Aqmola oblysynyń polıtseıleri jańa jyl merekesi kúnderi 700-den astam pırotehnıkalyq ónimdi tárkiledi, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, 2020 jyldyń 15 jeltoqsany men 2021 jyldyń 7 qańtary aralyǵynda oblys aýmaǵynda «Pırotehnıka» jedel-aldyn alý is-sharasy ótip jatyr. Pırotehnıkalyq buıymdardy zańsyz ákelý, ótkizý jáne paıdalaný jaǵdaılaryn anyqtaý jáne jolyn kesý maqsatynda qolǵa alynǵan sharaǵa Aqmola oblystyq PD ákimshilik polıtsııa basqarmasynyń qyzmetkerleri, Jergilikti polıtsııa qyzmeti basqarmasynyń jáne oblystyq TJD azamattyq qorǵaý qyzmetiniń ókilderi qatysýda.
«Aktsııa barysynda polıtsııa qyzmetkerleri 350 reıdtik is-shara ótkizilip, jeke jáne zańdy tulǵalardyń pırotehnıkalyq buıymdardy saqtaý, esepke alý, paıdalaný jáne tasymaldaý erejelerin saqtaýy boıynsha 95 bazar, 869 dúken jáne basqa da saýda oryndary tekserildi», - dedi vedomstvodan.
Reıd kezinde QR ÁQbK 196 baby «taýarlardy jáne ózge de zattardy zańsyz saýdalaý» boıynsha 52 azamat ákimshilik jaýapqa tartylyp, 758 pırotehnıkalyq ónim tárkilendi.
