Aqmola oblysynda 70 myń adam tumaýǵa qarsy ekpe aldy
KÓKShETAÝ. QazAqparat - Aqmola oblysynda tumaýǵa qarsy ekpe salý jumystary jalǵasýda, dep habarlaıdy QazAqparat tilshisi oblystyq taýarlar men qyzmetterdiń sapasy men qaýipsizdigin baqylaý departamentine silteme jasap.
«Aqmola oblysynda 70 768 adam tumaýǵa qarsy ekpe aldy. Bul - ekpe salý josparlanǵan adamdardyń 97 paıyzy. Sanattarǵa bóletin bolsaq, 655 júkti áıel, 7 405 medıtsınalyq qyzmetker, 4 060 medıtsınalyq baqylaýǵa alynǵan bala, úsh jasqa deıingi 211 bala, 330 ata-anasyz jetim, 1 273 medıtsınalyq-áleýmettik kómek alýshy, júrek-qantamyr aýrýymen aýyratyn 21 585 naýqas, epıdemıologııalyq kórsetkish boıynsha 35 249 adam bar», - deıdi oblystyq taýarlar men qyzmetterdiń sapasy men qaýipsizdigin baqylaý departamentiniń basshysy Aınagúl Mýsına.
Aıta ketsek, qyrkúıektiń 15-inde Aqmola oblysynda tumaýǵa qarsy vaktsınatsııa jumystary bastalǵan bolatyn. Oblys aýmaǵynda ekpe egetin 293 em-shara kabıneti anyqtalyp otyr. «Qaýipti» toptaǵy tulǵalarǵa ekpe egý úshin tegin 82 048 vaktsına qarastyrylǵan. Osy baǵytta jergilikti bıýdjet esebinen 13 mıllıon 962 myń teńgege 16,1 myń reseılik «Grıppol plıýs» vaktsınasy satyp alyndy. Bul vaktsına bıylǵy epıdemologııalyq maýsymda baıqalady dep boljanyp otyrǵan tumaýdyń A jáne V túrlerine qarsy egilip jatyr.
